Parketarrak izeneko egitasmoa jarri du martxan Arantzazuko Ama Ikastolako Guraso Elkarteak, Udalaren laguntzarekin. Kalean euskeraz jolasteko egitasmoa da. Hau da, jolas saio batzuk antolatu dituzte kalean eta parkeetan euskera gehiago erabiltzeko. Helburua da, haurretan euskeraren erabilera indartzea eta ikustea, euskera ondo pasatzeko tresna dela.
Eta aurreneko jolas saioa gaur izango da. Denera, lau saio izango dira. Guztiak, segidan, datozen asteazkenetan: gaur, martxoak 26, apirilak 2 eta 9.
Irekia da
Egitasmoa zuzenduta dago 3-5 urteko haurrak dituzten familiei eta 6-9 urteko umeei. Eta irekia da, ez da Ikastolako kide izan behar.
Bi programa izango dira. Alde batetik, Zabu Zibu izeneko saioa egongo da, 3-5 urteko umeen familientzat. Eta bestetik, Txirrintxon saioa, 6-9 urtekoentzat. Bi programak 17:00etatik 18:00etara izango dira, Ikastolako patio haundian.
Urtxintxaren eskutik
Zerbitzu hau, Urtxintxa Eskolak eskaintzen du eta bertako dinamizatzaileek zuzenduko dituzte saioak.