Urnieta eta Irungo ITV-IATko langileek bederatzi hilabete egin dituzte greban, lan-hitzarmena sinatzeko TÜV Rheinland enpresarekin ados jartzen ez zirelako. Preco bitartekari zutela, asteazkenean aurre-hitzarmen bat sinatu zuten, eta ostegunean sinatu behar zuten akordio ofiziala. Baina enpresak atzera egin zuen berriro. Azkenean atzo sinatu zen akordioa, goizetik arratsaldeko 16:30ak ingurura arte negoziatzen pasa ondoren. Ondorioz, greban izan diren 60 langileak astelehenean itzuliko dira lanera, eta zerbitzua berrezarriko da.