Asko hobetu du Hernanik: jokalari gehiago dituzte, entrenamenduak, partiduetara sasoi hobean iristen dira eta aldaketak egiteko aukera gehiago dituzte... Euskal Ligan aritu dira aurten, maila onean, eta bihar Landaren duten partidua da egindako lanaren sari eta seinale. Ligako azken partidua jokatuko dute Uribe-Durangoren kontra, eta irabaziz gero Play Offa jokatzeko aukera izango dute. Hernani hirugarren da sailkapenean eta bigarren postuan bukatu behar du liga igoera fasea jokatzeko. Horregatik, bihar irabaziz gero, bigarren sailkatuak galdu zain egon behar dute. Gaztedi dijoa bigarren ligan, eta Unicaren kontra neurtuko dituzte indarrak. Unicak irabaziz gero, Hernanik Play Offa jokatuko du.
Nola jokatuko da igoera fasea?
Hernani Play Offa jokatzeko sailkatuko balitz, bi fase gainditu beharko lituzke, Estatuko Ohorezko Mailara iristeko. Aurreneko fasea egun bakarrean jokatuko litzateke: partidu motzak, Estatuko gainontzeko ligetako bigarren sailkatuen kontra. Hor nagusituz gero, azken fasera pasako litzateke. Azken txanpa honetan, Ohorezko mailako azken sailkatuen kontra neurtu beharko lituzkete indarrak. Eta ondoen aritzen den taldeak lortuko luke, igoera.
Play Offa jokatzea, saria
Azken urteetan egindako lanaren saria edo ordaina litzateke taldearentzat, Play Offa jokatzea. Amets kapitainaren esanetan: «gure ligan aritzen ez diren taldeen kontra jokatuko genuke, esperientzia ikaragarria. Guretzat saria izango litzateke, Ohorezko Mailan jokatzeko hobetzeko asko baitugu oraindik».