Euskal Herriko bost lurraldeetan antolatuko dituzte udaran Bertso Udalekuak: Baigorrin, Orion, Arrazolan, Irañetan eta Zuhatzan. Helburua da bertsozaletasuna sustatzea, aisialdiaz euskeraz gozatzea eta Euskal Herriko haur zein bertsozaleen artean lagun sareak sortzea. Udalekua uztailean eta abuztuan izango dira, eta bost txanda eskainiko dituzte, 9 urtetik 18 urte bitarteko neska-mutilei zuzenduta. Izen ematea gaur zabalduko da, goizeko 09:00etan, www.bertsozale.com atarian, eta martxoaren 27ra arte izango da aukera. Lehentasuna izango dute bertso eskoletako kideek, edota Bertsozale Elkarteko bazkide diren gurasoen seme-alabek.