udaberria iristear da, eta Hernani Errotzen taldeak hitzaldi zikloa antolatu du urteroko legez. Gaurkoan dokumentala eta solasaldia antolatu dituzte; eta datorren zita martxoaren 19rako egin dute.
Munich 1962: Isildu egia dokumentala jarriko dute gaur Biterin, iluntzeko 19:30etan. Antolatzaileek diote, orduko hitzarmen edo gertakariek antzekotasun haundia dutela gaur egungo politika egiteko moduarekin: «dokumentalean aztertzen da Euskal Herrian dagoen benetazko politika baten beharra, egiazko politika propioa behar du. Eta hori martxan jartzeko, ezinbestekoa da bere burua subjetu politikotzat izatea».
Solasaldia, segidan
Dokumentala bukatuta, ikusitakoa komentatu eta zalantza guztiak argitzeko aukera izango da Mikel Erauskin eta Kepa Anabitarterekin. Ondoren, sagardotegira afaltzera joateko aukera jarri dute; izena aldez aurretik eman behar zen.