Hernani Saria, txirrindulari gaztetxoen lasterketa jokatu zen atzo herriko kaleetan barrena. Alebin eta infantil mailako txirrindulari gazteek hartu zuten parte JOCC taldeak antolatzen duen urteroko zitan. Hernanikoez gain, Irun, Donostia, Lasarte, Usurbil, Zarautz, Zumaia eta Aizarnazabalgo txirrindulari gazteak pilatu ziren Urbietako kaleko irteeran, lasterketa hasieran. Donostildeko Txapelketa jokatzen ari dira, eta dena ematera etorri ziren Hernanira.
Infantil mailan Haritz Erasun zarauztarra eta Ekhiñe Rivas Allerru taldeoa izan ziren bizkorrenak, buelta egin eta Urbietako helmugatik pasatzen. Bigarren bukatu zuten Buruntazpi taldeko Xabier Elosegik eta Viveros San Anton taldeko Nahia Osak. Hirugarren postuan helmugaratu ziren azken talde honetako Gaizka Gurrutxaga eta Irunes taldeko Haizea Tizon. Alebinetan, Oier Unanue zumaiarra eta Nagore Lizarraga Txingudi ikastolakoak izan ziren onenak. Bigarren abilenak Santa Teresako Asier Pozo eta Inmakulada ikastetxeko Maddi Arizmendi izan ziren. Alebin mailako hirugarren sailkatuak berriz, Udarregiko Iñaki Errazkin eta Amasorrain ikastolako Irati Arteaga izan ziren.
Maddi Arizmendi hernaniarra, bigarren
Hernanin txirrindularitzak harrobia baduela erakutsi zuten atzo parte hartu zuten 26 neska-mutilek. Onena Maddi Arizmendi izan zen, alebinen lasterketan bigarren bukatuta. Mutiletan, alebin azkarrena Aimar Arteaga izan zen eta infantil bizkorrena, Iker Iriondo.