Udaberri Torneoko finala jokatuko du gaur Ekaitz Cisneros eta Suharri Rodriguez bikoteak, 21:00etan Soraluzen, Antiguo Bikuña-Alberdi bikotearen aurka. Hernaniarrek partidu guztiak irabazita iritsi dira finalera, eta aukera badute txapela etxera ekartzeko. Hala ere, partidu gogorra espero da, lehenago ere neurtu baitituzte indarrak Antiguokoen aurka. Espero duten bakarra da eskuak baldintza onetan izatea. Bestalde, infantiletan partidu bat jokatuko da 20:00etan Hernanin: Macicior-Arizmendi/Larburu-Ezeiza.