Bost kilometroko lasterketa, igandean

Datorren igandean korrika proba polita dago jarria her­naniar guztientzat, neurri motxeko karrera, eta zelai-ze­laia baitago prestatua. Gu­darien plazatik abiatuko dira korrikalariak, goizeko 11:00­e­ta­tik aurrera. Aurrean bost kilometro, berriz ere Guda­rien plazan bukatzeko. Izena emateko aukera izango da, bihar bertan, 12 euroan.

Era guztietako sariak
Parte hartzaileentzat kamixe­tak izango dira eta zozketak: sagar­dote­giak, baz­kariak, tratamen­duak mag­ne­­tis­moa, kirol eki­pa­men­duak, ele­men­tu biolo­gikoak, eta abar. Sari­tuentzat Lurreko dendako produktu biologikoen loteak eta txapelak.

Libre! ekimenaren barruan
35/02 Epaiketa deitzen zaiona joan den asteazkenean bu­ka­tu zen, eta beste askoren ar­tean, Hernaniko Juanpe Plaza eta Garin taberna zeuden sar­tu­ta. Epaiketa hori erabat po­li­tikoa dela salatu nahi du Libre! ekimenak, eta horre­tarako, eta sententziaren zai, hainbat ekintza antolatu dituzte. Horien artean, joan den asteazkenean Hernaniko Garin taberna aurrean kon­tzentrazioa egin zuten hain­bat herritarrek, eta gogor sa­latu zuten epaiketa, «Libre! Epai­keta politikorik ez!» esa­ten zuen pankartarekin.