Martxoak 8, Emakumearen Eguna da gaur eta argazki erakusketa eta dokumentala antolatu ditu berdintasunaren aldeko taldeak. Argazki erakusketa, atzotik dago ikusgai Kontsejuan. Bihar izanen da azken eguna.
Erase una vez... que no era izena du erakusketak eta egilea, Beatriz Albarran bilbotarra da. Argazki horietan, emakumeak protagonista diren ipuin klasikoak bildu ditu Albarranek eta ikuspuntu berria eman die; interpretazio desberdina eman die ipuin horiei. Obra horietan ohikoak diren estereotipoekin hausten du eta protagonistak askatu egiten ditu. Lotuta dauden roletatik askatzen ditu.
Herri kiroletan aritzen diren emakumeak, plazara
Emakumeak plazan izeneko dokumentala ikusteko aukera izanen da 18:00etatik aurrera, Kontsejun. Dokumental honetan, herri kiroletan dabiltzan emakumeak dira protagonista. Dena dela, zerbait orokorragoaren aldarrikapena ere bada. Emakumeak eta kirola hizpide bihurtu nahi dituzte eta emakumeek beraien tokia dutela azpimarratu. Arantxa Gurmendi da dokumentalaren zuzendaria.