Martxoak 8, larunbata, Emakumearen Eguna da eta ohi bezala, aldarrikapenerako eguna izango da. Dena dela, Astigarragan ez dute egun batera bakarrik mugatu nahi izan eta Emakumeen Hilabetea antolatu dute, Udaleko Kultura eta Berdintasun sailek, Harituzekin eta Gaztelokalarekin. Hori horrela, hilabete osoan zehar ekintza ugari antolatu dituzte, batez ere, emakumeei zuzenduak edo emakumeei begirakoak. Antzerkia, hitzaldiak, zinea, tailerrak... antolatu dituzte. Larunbatean bertan, Konpota antzezlana eskainiko dute 20:00etan, Kultur Etxean. Asteartean, berriz, hitzaldia izan zen bularreko minbiziaren prebentzioaren inguruan.
EGITARAUA
Martxoak 8: ‘Konpota’ antzerkia, Eneritz Artetxerekin, 20:00etan, Kultur Etxean (sarrera: 6 euro)
Martxoak 11: Hitzaldia eta mahaingurua: ‘Munduko emakumeak zubiak eraikitzen’ 18:00etan, Kultur Etxean.
Martxoak 15: 12-18 urteko neskentzat autodefentsa tailerra, 17:00etan, Gaztelokalean.
Martxoak 18: Hitzaldi interaktiboa: ‘Emakumezkoen kurrikulum izkutuak’, 18:00etan, Kultur Etxean.
Martxoak 24: Jorge Carrerorekin literatura tailerra. Jeanette Wintersonen ‘¿Por qué ser feliz cuando puedes ser normal?’ liburuaren inguruan. 19:30etan, Kultur Etxean.
Martxoa 25: Zineforuma ‘Mis tardes con Margueritte’ 18:00etan, Kultur Etxean.
Martxoak 27: Nazioarteko Antzerkiaren Eguna: ‘La Viuda Astuta’, Carlo Goldoniren komedia. 19:00etan, Kultur Etxean.
Tailerrak
Martxoak 12, 19 eta 26 (asteazkenak): Qi Gong tailerra(emakume guztiei zuzenduta), 09:30etan, Kultur Etxean. Jone Arrospide.
Martxoak 21 eta 28 (ostiralak): Bizitzaren Filosofiaren tailerra (herritar guztiei zuzenduta), 10:00etan, Kultur Etxean. Ostatxu de Andrés.