Aurreko asteburuan hasi zen karreterako denboraldia eta Astigarragako txirrindulariek emaitza ederrak lortu zituzten. Gorka Urkiola eta Urko Senperena kadeteek (Donosti Berri-Grosgreen) Ibaetan ekin zioten denboraldiari. Urkiola bosgarren geratu zen eta Senperenak ezin izan zuen klasifikazioko proba bukatu, erori egin zelako. Alebin eta infantilek (Donosti Berri-Fullgas) Hondarribian izan zuten lasterketa. Infantiletan, Telmo Senperenak 9garren bukatu zuen eta Tomas Oterminek 26garren (erori arren, bukatu egin zuen). Jaime Romero alebinak, berriz, seigarren postua lortu zuen.