Larunbatean Sagardoaren Txapelketako bi partidu jokatu ziren Galarretan, A taldekoa bat, eta B taldekoa bestea. B taldean Juaristi eta Agirrezabalak (Petritegi) irabazi zien lehengo urteko irabazleei, Matxin III eta Etxeberria IIIri (Gurutzeta), 40-35. Horrela, Juaristi eta Agirrezabala dira finalerdiak jokatzeko lehenengo sailkatuak, 8 punturekin. A taldeko partiduan, Ezkurra eta Endikak (Larre Gain) irabazi zuten, 40-25 Urriza-Zubiriren (Altzueta) aurka. Ostegun honetan jokatuko da hurrengo partidua: Juanenea-San Miguel (Gaztañaga), Urtasun-Barrenetxea IVren kontra (Oialume Zar).