martxoko kontzertua eskainiko dute bihar Hernaniko Musika Eskolako txistulariek, arkupetan. Hamabi abestiko errepertorioa eskainiko dute bazkalaurretik, 12:45etatik aurrera.
Goazen, goazen abesti herrikoiarekin hasiko dute emanaldia, eta izaera berdina duten Inauterietako zortzikoa, Arantzazuko dantza luzea eta Hiru bueltakoa ere, joko dituzte. Gainontzeko abestiak: Inauteri soinua, Kontrapasa, Minuetoa, Ansola anaiak, Antxiñeko abestiyak, Fandagoa eta arin-arina eta Gipuzkoako oihartzunak.
Hamabost txistulari
Musika eskolako hamabost txistulari elkartuko dira, biharko emanaldian: Eli Ansorena, Idoia Ansorena, Jon Ansorena, Iker Apaolaza, Ander Arandia, Patri Arozena, Josu Boneta, Nahia Etxeberria, Olatz Gonzalez, Leire Goñi, Eider Oruezabala, Ane Sanz eta Haritz Ezeiza. Atabalarekin Jon Patxe ariko da, eta zuzendari lanetan Iñaki Eguren.