martxoaren 8ko Emakumeen Egunarekin bat eginda, hitzaldia antolatu dute gaur Ereñotzun: Mari, sorginak eta euskal emakumea. Mª Carmen Basterretxea Antropologia, Filosofia eta Hezkuntza Zientzietan doktoreak emango du, 19:00etan, Kultur etxean.
Garai bateko euskal kultura eredu matrialkalean zegoen oinarrituta, eta Basterretxearen esanetan, filosofia honen ardatza ziren Mariren figura eta sorginak. Zein dira Marik eta sorginek gaur egungo emakumeekin duten lotura? Basterretxearen esanetan «kultura eredu honek baditu berezko balio batzuk, galdu antzera daudenak eta gaur egungo gizarteko erronkei aurre egiten lagunduko luketenak».