`Gazta zati bat´ dokumentala ikusi eta Jon Maia zuzendariarekin komentatzeko aukera, gaur

Euskal Herriaren erabakitze eskubidearen alde, 123 kilo­met­roko Giza Katea egin­ nahi da ekainaren 8an, Du­ran­go eta Iruñea lotzeko. Her­naniarrek kilometro bat osatzeko erronka dute au­rrean; Nafarroako Etxarren he­rrian egongo da herna­nia­rren puntua eta gu­txienez 600 herritar bildu behar dira. Erronka hori girotu nahian, hainbat ekitaldi ari dira antolatzen herrian; datozen biak, gaur eta bihar.

Pelikula eta zuzendariaren azalpenak, gaur
Gazta Zati Bat dokumentala proiektatuko dute gaur Bi­terin, 19:00etan. Erabakitze eskubideari buruz, etorki­zunera begira jartzen saia­tzen da dokumentala. Proiek­zioa ikusi ostean, Jon Maia zuzendariarekin ko­men­ta­tze­ko aukera izango da. 

Hitzaldia bihar, Karabelen
Gure Esku Dago dinamika azaltzeko hitzaldia antolatu dute bihar Karabelen. El­kar­tean izango da, 18:30etan.

Txartelak, ekitaldietan
Ekainaren 8ra begira, txar­telak lortzeko bide ezber­di­nak jarriko dituzte, tartean, an­tolatzen ari diren ekitaldi hauek. Gaur eta bihar salgai egongo dira, 5 euroan. Txarte­larekin batera aterkia eta zapia banatuko dira. 16 urtez az­pikoek ez dute txartel beharrik izango.