Orain dela hamabost urte elkartu ziren aurreneko aldiz Errioxako eta Hernaniko dultzaineroak, topaketa baten bueltan. Han eta hemen egiten ziren topaketak, eta denboraren poderioz, lagun taldea asko zabaldu da. Topaketak ere, herri ezberdinetan egin izan dira: Lizarran, Oiartzunen, Brionesen, Logroñon. San Asension, Arnedon eta Irunen. Eta noski, herri horietan jo izana ez da kasualitatea, bertako dultzaineroak hartu izan baitute parte, topaketa horietan.
60 dultzainerok, egun pasa
Aurten Hernaniko dultzaineroei egokitu zaie topaketa antolatzeko ardura. Errioxa, Lizarra, Lapurdi, Deba, Eibar eta Oiartzungo dultzain hotsak zabalduko dituzte gaur herrian barrena. 60 dultzainero eta gaiterok hartuko dute parte herriko kaleetan egingo den kalejiran. Ondoren, bazkaltzera elkartuko dira; eta eguna gorputzak bale esaten duena arte luzatzeko asmoa dute!
Hurrengo zita, Navarreten
Hernaniko topaketa aurtengo aurrenekoa izango da. Elkatruke modura, beste hitzordu bat baitute: apirilaren 12an elkartuko dira, Navarreten.