«Udal Gobernuak ardura politikoa onar dezala eskatzen jarraitzen dugu»

Bilduk bere akats propioak opo­sizioaren gain botatzen dituela dio PSE-EEk.  

«Bistakoa da: ziurtatu egin behar da udaletxearen ekintzak legalak izatea»
PSE-EEk dio Bilduk guztia modu errazean ahaztu nahi izan duela. Horrexegatik di­o­ela «ez zutela legea eza­gutzen eta beti asmo onez egin dutela lan».
Baina PSE-EEren hitzetan, «ezagutza faltak eta asmo onak ez dute esan nahi legea bete behar ez denik». So­zialisten ustez, «kargu pu­blikoa izatea eta udaletxe bat gobernatzea oso serioa da, eta bistakoa da ziurtatu egin be­har dela udaletxearen ekin­tzak legalak izatea. Pe­na­garria da opo­sizioaren de­nuntzia saltzea ba­te­ra­ezin­ta­sunaren eragina jaso duen zi­ne­gotziaren eta bere fami­li­aren aurkako eraso per­tsonal gisa».

«Alkateak aitortu bezala, ardura Udal Gobernu Talde osoarena da»
PSE-EEren esanetan «lotsa­ga­rria da gertatutakoaren errua oposizioari botatzea. Ba­dirudi orain oposizioaren ar­dura dela ziurtatzea kon­tratazioak legalak izatea.

«Hernaniarrak ez gara tontoak, eta udal taldeari eskatzen diogu onar dezala duen ardura politikoa»

Baina alkateak aitortu bezala, ardura Udal Gobernu Talde osoarena da. Alkateak onartu zuen Conde andereak ba­te­raezintasun ara­zo bat dela-eta dimititu du­ela, eta ez ardura po­l­i­ti­ko­a­ga­tik. Eta zer ger­tatzen da ilegalitateak iraun duen 3 urteekin? Beste alderdi batek gauza bera egin izan balu, nola jokatuko zuen Bilduk? Eta astearteko Pleno­an izan ziren herritarrek ber­din egin­go liokete txalo ego­era ber­di­nean Bildukoa ez den beste zinegotzi bati? Gu eta oposi­zioko beste alderdi­ak ardura­tsuak izan gara denun­tzia­tzean. Hernania­rrak ez gara tontoak eta ar­dura politikoa onar dezala es­katzen diogu gobernu taldeari».