Inauterietako laugarren eguna dugu gaurkoa, eta azken-aurrena. Gaurko kolore eta barreak ordezkatu egin beharko dira bihar, negar malko eta kolore beltzarekin.
Hala ere, gaur ondo pasatzeko aukera izango da oraindik. Dianak esnatuko du herria 09:00etan. 10:00etan azeri dantza izango da gaztetxoentzat. 11:30etan, berriz, poni eta zezen txikiak Latsunben, eta 12:00etan egurrezko jokuak haurrentzat, Atsegindegin. Arratsaldeko 16:00etan erraldoi eta buruhaundiak aterako dira, eta 17:00etan DJon-ek musika jarriko du Atsegindegin.
Bihar bukatu egingo da festa, Sardinaren Ehorzketarekin. Goizuetan, ordea, festa izango dute oraindik, gaur, bihar eta larunbatean. y