Dominez eta emaitza bikainez betetako asteburua izan da pasa dena, Hernaniko atletentzat.
Bizkaian, Euskadiko jaurtiketa txapelketan, dominarekin itzuli ziren Hernaniko bi atleta: Oscar Lion jubenila urrearekin eta Javi Sanchez kadetea brontzearekin.
Autonomien arteko txapelketaren hirugarren edizioa jokatu zen Zaragozan. Bakarka, Mara Olazabal eta Maialen Pavonek zazpigarren bukatu zuten. Euskadiko selekzioarekin podiumera igo ziren, hirugarren bukatuta.
Igandean Laudion izan ziren Hernaniko atletak, Euskadiko Kross txapelketan. Gipuzkoako selekzioarekin hartu zuten parte, eta banaka, Anartz Artolak zazpigarren bukatu zuen, eta Julen Goikoetxeak hogeigarren. Taldeka lortu zuten emaitza ederra, bigarren helmugaratu baitziren.
Azkenik, Yohanes Merinok Espainiako Txapelketan hartu zuen parte, euskal selekzioarekin. Bakarka 77garren bukatu zuen, eta taldeka 11garren.
Lau domina eta emaitza bikainak, Hernaniko atletek
Euskadiko Txapelketan, Oscar Lionek urrea lortu zuen eta Javi Sanchezek brontzea. Taldeka lortu dira beste bi dominak.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!