XABIER ERDOZIA, ‘LOU’
Chloe, Atom Egoyan zinegile kanadiarraren azken filmak emango dio hasiera gaur 57 Donostia Zinemaldiari. Egoyan bera izango da emanaldiaren ondorengo prentsaurrekoan. Filmak emango dio hasiera Sail Ofizialeko lehiaketari. Julianne Moore, Liam Neeson eta Amanda Seyfried aktoreak dira antzezten duten garrantzizko rolak. Zabaltegi Sailari berriz, hasiera emango dion filma Quentin Tarantino zuzendari estatubatuarrak zuzendutako Inglorious Basterds izango da. II Mundu Gerran oinarrituta dagoen filma Canneseko Sail Ofizialean izan zen ikusgai aurtengo edizioan, eta Cristophe Waltzek Aktore Hoberenaren Saria lortu zuen bertan. Cristophe Waltz berak, Tarantino zuzendariak eta Brad Pitt filmaren aktoreak aurkeztuko dute filma gaueko emanaldian.
Sir Ian McKellen, aurtengo Donostia Saria
Asteazkenean, irailaren 23an emango diote aurtengo Donostia Saria Sir Ian Mckellen aktore britaniar haundiari. Mckellen-en azken lanak ospe haundikoak izan dira, azpimagarriak dira Gandalf magoaren papera The Lord Of The Rings (Eraztunen Jauna, 2001) hiru filmeetan, eta Magnetoren pertsonaiaren gaiztotasuna ezin hobeto gorpuztu zuelako X men (2000) hiru pelikuletan.
Baina aurretik ere erakutsi du bere maisutasuna. Esaterako, Aktore Hoberenaren Zilarrezko Maskorra lortu zuen Donostia Zinemaldiko 1996ko edizioan Gods and monsters filman James Whale zuzendariaren rolari esker (film hori ikusi ez baduzue, DVDan lortu eta ikusi mesedez, guztiz gomendagarria baita). Bryan Singer zuzendariaren Apt Pupil (Verano de Corrupción, 1998) film ezezagun eta interesgarrian betetzen duen rola ere aipatzekoa da.
Baina Mckellenek, Britainia Handiko aktore haundi gehienek bezala, antzerkian hasi zuen bere ibilbidea, Shakespearen antzerkiko pertsonai mitikoak antzezten. Ahaztuezina da zineman, eta Richard Loncraine zuzendariari esker Richard III (1995) filman betetako lana, esaterako.
Belodromoa 3D
zinemako areto erraldoia
Toy Storyren 3 dimentsioko bertsioak, Battle For Terra, Ocean World eta The Nigthmare Before Christmas (Eguberri Aurreko Amezgaiztoa, 2008) izango ditugu ikusgai Belodromoko aurtengo emanaldietan, Belodromoko 3D zinema izenburuarekin aurkeztutako egitarauaren barnean. Informazio gehiago zinemaldiko www.sansebastianfestival.com web orrian.