kaxkoko bizilagunen elkartea ez dago gustura Udalak duela gutxi ezarritako sarbidea kontrolatzeko sistemarekin. Kronikari adierazi diotenez, bizimodua erraztu beharrean, zaildu egiten die, «edozein txikikeri egiteko baimena eskatzen eta azalpenak ematen ibili behar baitugu». Bilera eskatu nahi dute datorren asterako udal alderdietako ordezkariekin eta udaltzaigoarekin.
‘Harrapatuta’
Elkartearen esanetan, Kaxkoko bizilagunak keja dira. Joan den ostegunean, bilera egin zuten eta jende asko bildu zen, beti ere elkartearen esanetan, eta tartean adineko jende asko zegoen. Denak ziren kexa, eta inor ez alde, denek azaldu zituzten beren kexak, «enkarguak eramateko, edo bonbonaren bat, baimena eskatzen ibili behar duzu, eta azalpenak ematen. Harrapatuta sentitzen gara».
Komertzioarentzat kalte
Elkartearen esanetan, oraingo sistemak gauzak zailtzeaz gain, ez die mesederik egiten komertzioei, erosleek atzera egiten baitute, ezin badira autoarekin Kaskora sartu zamak hartzera, eta salmenta gune haundietara jotzen dute. Irtenbidea zein den galdetuta, adierazi dute onena, piboteak mantendu arren, sarrera irekia uztea dela.
Beste batzuk gustora
Elkarteak adierazi du badirela bizilagunak sistemarekin gustora daudenak baina beren bileratan kexa besterik ez dutela jasotzen. Adierazi dute bilerak irekiak direla eta edonork parte hartu dezakeela.