PERU Alfaro triatleta hernaniarrak Donibane Lohitzuneko triatloia irabazi zuen larunbatean, bigarrenari alde nabarmena aterata. Hala ere, ez zen triatloian parte hartu zuen hernaniar bakarra izan, bertan izan baitziren Iñaki Eizmendi eta Ana Urrutia hernaniarrak ere.
Alfarok 50 segunduko aldea hartu zuen igeri
Triatloian egin beharreko distantziak izan ziren 750m igeri, 20km bizikletan eta 5km korrika. Alfarok igeri egindako frogan 50 segunduko aldea atera zion bigarrenari, eta hori izan zen triatloia irabazteko gakoa. Hala ere, bizikleta gainean eta korrika Alfarok aldea haunditzea lortu zuen, eta ordubete eta 32 segundu ondoren, aurreneko postuan helmugaratu zen.