Aisialdiko begirale titulua ateratzeko ikastaroa antolatu dute Buruntzaldeako Udalek

buruntzaldeako gaz­teen­tzat aisialdiko be­gi­rale titulua ateratzeko ikas­taroa antolatu dute Bu­run­tzaldeako Udalek. Ikas­taroa egiteko baldintzak bi dira, 18 urte beteta izatea eta euskalduna izatea. Guztira 200 ordukoa izango da.

Egutegia
Ikastaroa irailaren 25ean hasiko da eta urtarrilean bu­katuko da. Saioak ostiral arra­tsal­detan eta larun­ba­tetan izan­go dira, ia egun osoz, ondorengo ordute­gian: goizean 10:00etatik 14:00­etara, eta arratsaldean 15:30­­­etatik 19:30etara. Ikas­taroak iraun bitartean ere, lau asteburu aterpetxe batean igaroko dituzte. Kasu horietan, ostiral arra­tsaldez hartuko dute au­tobusa eta igande eguer­dian bukatuko da saioa. Ikastaroa Andoainen izango da eta 360 euro ordaindu behar dira.

Begirale titulazioa
Ikastaro teoriko hau egiten duenak, behin praktikak bu­katuta eta memoria aur­keztuta jasoko du Eusko Jaurlaritzak homologa­tuta­ko Haur eta Gazteen Aisi­a­l­dirako begirale titulua.

Izen ematea ostiralera arte
Ikastaroan izena eman nahi duen gazteak ostiralera arte izango du aukera, hilak 18. Izena Hernaniko Eus­kara Zerbitzuan eman be­har da eta matrikula egin­tzat emateko, honako do­kumen­tazioa aurkeztu be­har da: argazki bat, diru­sarreraren agiria, nortasun agiriaren fotokopia eta matrikula orria beteta. Informazio gehiago nahi izanez gero www.hernani.net, www.buruntzaldea.org edo 943 337 029 telefonoa.