HERNANIK Bergararen kontra emango dio hasiera 09/10 denboraldiari. Partidua Bergarako Agorrosin zelaian izango da, arratsaldeko 17:00etatik aurrera. Etxeko aurreneko partidua datorren astean izango da, Zubipen, Tolosaren kontra.
Bederatzi jokalari berri
Joan den urteko denboraldi bikainaren ostean, Hernanik jokalari gehienak mantentzen ditu. Hala ere, aurtengo denboraldian bederatzi jokalari berri izango ditu. Hauetatik asko hemengoak dira, beste batzuk berriz, Irungoak eta Donostiakoak. Jokalari berriak izatearen helburua da hauek freskotasuna ematea taldeari.
Jubenilak eta kadeteak
Liga nazionaleko jubenilek, eta ohorezko mailako jubenilek ere gaur hasiko dute denboraldi berria.
Jubenil mailan, Hernanik etxean jokatuko du aurreneko partidua, Aurrera de Vitoria CD taldearen kontra. Gaur izango da, Zubipen, 17:00etan.
Kadete mailako taldeak ere Zubipen hasiko du denboraldia. Hauek Astigarragako Mundarro FKE taldearen kontra jokatuko dute, gaur, eguerdiko 12:30etan.