aurten ere, Astigarragako Kizkia Taldeak sagardo lehiaketa antolatu du Astigarragako Gure Izarra elkartean. Finala hilaren 30ean izango da eta aurretik hiru sailkapen egun izango dira; lehenengoa bihar. Hurrengoa hilaren 16an izango da eta azken sailkapen eguna 23an. Taldeko partaideek berriro dastatuko dituzte Gipuzkoan banatuta dauden sagardotegi ezberdinek egindako sagardoa. Guztira 19 sagardotegik hartuko dute parte lehiaketan, eta horietatik sei sagardok bakarrik lortuko dute finalerako txartela. Finaleko egunean bazkaria egingo da Astigarragako Gure Izarra elkartean. Eguerdiko 13:30etan izango da eta joan nahi izanez gero, telefono honetara deitu 616 946 684 edo helbide honetara idatzi kizkiataldea@yahoo.com.
Hernaniko lau sagardotegi
Parte hartuko duten 19 sagardotegi horien artean Hernaniko lau izango dira: Altzueta, Elorrabi, Otsua-Enea eta Alberro. Astigarragakoak, berriz sei: Rezola, Petritegi, Oiarbide, Lizeaga, Larrarte eta Alorrenea. Gainerakoak izango dira Igeldoko Kalonge, Oiartzungo Ordo-Zelai eta Baleio, Urnietako Eula, Altuna eta Elutzeta, Usurbilgo Urdaira, Andoaingo Gaztañaga, Aiako Satxota eta Asteasuko Sarasola.