Astigarragan ere irailean hasiko dira tailer gehienak

astigarragan ere hilabe­te honetan hasiko dira ikas­turte osoko ikastaroak. Tar­tean izan­go dituzte ekitaldi la­burrak ere, esate baterako, erakus­ketak eta an­tzerki ema­naldiak. Bihar ireki­ko da ikas­taroetan izena ema­teko aukera. Horre­tarako kul­tur etxera jo, 943 335 064 zenbakira deitu edo www­.astigarra­ga.net orrian sartu.

Dantza eta eskulanak
Urritik ekainera areto dan­tzen tailerra egingo dute, aste­le­henetan, 19:30etatik 21:30­­etara, edo asteartetan, 18:00etatik 20:00etara. Esku­lan ikastaroak ere izango di­tuz­te, esate baterako, kristalak gra­batu eta margotzen ikaste­ko, astelehen eta ostiraletan, 17:00­etatik 19:00etara. Patch­work edo oihal zatiekin josten ikas­teko ere izango da aukera asteaz­ke­netan, 09:30etatik 11:30etara.

Literatura, yoga eta zura
Hilean behin, asteartetan euskaraz, eta ostegunetan gazteleraz, literatur tailerra egingo dute, 19:30etatik 21:00­etara. Yoga tailerra ere izango da, ostegunetan, 09:30etatik 11:30etara, edo 18:00etatik 20:00­etara. Zura lantzeko tai­le­rra ere izango da, asteaz­kenetan, 15:00etatik 18.00­etara, edo 18:00etatik 21:00­etara.

Bolywood hiru hilabetetan
Zerbait ezberdina egin nahi izanez gero, Indiako boly­wood dantzak ikasteko auke­ra izango da, asteartetan, 09:30etatik 11:30etara (eta agian ostegun arratsaldeetan).

Begirale ikastaroa
18 urtetik gorako gazteentzat aisialdiko begirale ikastaroa prestatu dute, Buruntzaldea­ko jendeari begi­ra. Izena emateko Burun­tzaldeko eus­kara zerbi­tzue­­takoren batera jo behar da, hilaren 18a baino lehen. Horiez gain, euskal dantza ikastaroa era izango da, astean behin ordu eta erdiko eskoletan. Behar guztietara egokitutako euskara ikasta­roak ere ez dira faltako AEKren eskutik. Helduek ere izango dute beren formazioa hobetzeko aukera EPAn. Horretarako 943 335 318 zenbakira deitu behar da.

‘Galtzagorriei to, Inaxito!’
Hilaren 11an, AEK-k anto­latuta, ‘Galtzagorriei to, Inaxito! antzezlana ikusteko aukera izango dute etxeko txikiek, arratsaldeko 18:00­etan, J. Ba­ran­diaran plazan. Erakusketa ere izango da, Hodeiak eta meteoroak, hilaren 14tik 24ra, kultur etxeko areto nagusian, 17:00etatik 20:00eta­ra.

Sagarra ezin falta Sagarra ezin falta Astigarra­gan. Hilaren 27an Sagar Uztaren Jaia egingo dute, goizeko 10:30etatik aurrera, J. Barandiaran plazan.