azken lau urteetan egin bezala, aurten ere amnistiaren aldeko futbol 7 txapelketa egitekoa zen gaur, Zubipen. Eta futbolaz gain, bazkaria eta mus txapelketa ere bai. Fernando Grande-Marlaska epaileak, ordea, guztia debekatu zuen herenegun. Antolatzaileek txapelketa bertan behera uztea erabaki dute nahiz eta erabakia beraien gustukoa ez izan Kronikari azaldu dietenez. «Azken aldian elkartasun erakusketa orok errepresioa pairatzen duen honetan, guri tokatu zaigu».
«Elkartasuna ezin debekatu»
Txapelketa debekatu arren, gauza bat argi dutela azaldu dute antolatzaileek: «ez dute inoiz gure elkartasuna debekatuko, elkartasuna eguneroko ekintza txikiek egiten baitute, norbanakoen zein kolektiboen jarrera aktibo bat baita. Guk lanean jarraituko dugu, gaixo dauden preso guztiak askatu arte. Kalean jarraituko dugu kondena betea duten presoak etxeratu arte. Euskal preso politiko zein iheslariak eskubide guztien jabe gure herrietan izan arte».