bigarren urtez jarraian, hiru egunetara luzatu dituzte Zikuñagan jaiak eta aurten ere, ostiralean hasiko dira, hau da, gaur. Arratsaldeko 18:00etan berotuko dira Zikuñaga auzoko kaleak beraiek egindako buruhaundien maxkuri dantzarekin. Auzoan zehar nahikoa zalaparta atera ondoren, futbito txapelketa jokatuko da. Arratsaldeko 19:00etan izango da eta finalerdiak jokatuko dira. Finala bihar izango da. Haurrek ere gozatzeko plan ederra izango dute ordu berean, altxorraren bila egingo baita.
Bihar eta etzi egun
haundiak
Jaiak gaur hasiko badira ere, egun haundiak bihar eta etzi izango dira eta ekintzak gustu ezberdinetako pertsonentzako antolatu dituzte. Besteak beste izango dira haurrentzako jokuak, tortila lehiaketa, sagardo dastaketa, pailazoak, afaria, kontzertuak, herri kirolak...
18:00 Buruhaundiak.
19:00 Futbito txapelketa.
19:00 Altxorraren bila.