Iraila iritsi da eta berarekin batera, kurtsoa martxan jarri da. Kiroldegiko ikastaroak ere gaurtik aurrera hasiko dira. Berez aurretik eman behar zen izena, baina oraindik bada aukera horretarako. Kiroldegiko bulegoa astelehenetik ostiralera dago irekita 09:00etatik 13:00etara. Igeriketa ikastaroak, karate ikastaroak eta ikastaro berriak ere izango dira eta abonatuek ikastaro berriak probatzeko aukera izango dute gaurtik larunbatera bitarte, doan.
Doaneko ikastaro berriak
Abonatuek hurrengo ikastaroak doan probatzeko aukeran izango dute: Indoor Walking, astelehen eta asteazkenetan, 10:00etan eta 18:30etan, eta astearte eta ostegunetan, 14:30etan; Bosu-GAP, astelehen eta asteazkenetan, 14:00etan eta 19:00etan, eta astearte eta ostegunetan, 14:00etan; Body Training, astelehen eta asteazkenetan, 13:30etan eta 18:00etan, eta astearte eta ostegunetan, 09:30 etan eta 19:00etan; eta konbinatua, Indoor Walking eta Body Training, astelehen eta asteazkenetan, 19:00etan.
Aurtengo ikastaroak
Aurrez aipaturiko ikastaroez gain, Pilates, Aerobik eta Mantentze Gimnasia izango dira ikasturte honetan. Horiez gain, igeriketa eta karate ikastaroak izango dira. Igeriketa egiteko aukera adin guztietako pertsonentzat izango da. Karatean, berriz, gazte eta helduentzat izango da aukera. Informatzeko 943 552 185.