Mandazubi eta Urnieta lotuko dituen bariantea bihar inauguratuko du Gipuzkoako Diputazioak

Gipuzkoako Foru Aldun­diak bihar inauguratuko du Urnietako bariantea, Manda­zu­biko errotonda eta Urnie­tako Salesiarretako errotonda lotuko dituena (ITV eta Erratzu poligonorako errotonda, alegia).
Inagu­ra­zio ekitaldia Man­dazubiko errotondan egin­go dute, bihar, eguerdiko 12:00­etan, eta bertan izango dira Gi­puz­koako Foru Aldun­di­ko arduradunak, Mikel Iza­gi­rre Ur­nie­tako Alkatea, eta Marian Bei­tialarrangoitia Her­naniko Alkatea.

Hiru urteko lana
Urnietako bariantea egiten 2006ko abuztuan hasi ziren, orain dela hiru urte. Ba­rian­teak 4 karril ditu (2 norabide bakoitzean), 3,1 kilometro,
7 metro zabal,  eta 26 miloi euroko aurrekontua.

Etorkizunean,
Amara eta A15 lotuko ditu
Uru­meako autobideak Ama­ra eta A15 erre­pidea lotu nahi ditu etorkizunean. Ur­nietako bariantea bukatuta, erabat bukatzeko 3 zati irekitzea geratzen da: Do­nostia-Martutene, Urnie­ta-Ando­ain, eta N1-A15 zatia (Andoain-Sorabilla).
Horrez gain, Hernaniko bariantean ere obrak egin nahi dituzte laster, Mar­tin­degi-Mandazubi zatian, hain zuzen. Zati horretan, bideak 2 karril ditu, norabide bakoi­tzean 1, eta beste hainbeste egin nahi dizkiote, norabide bakoitzean 2 karril izan ditzan.

Zenbait arazori
konponbidea
Diputazioaren arabera, Uru­meako autobideak zenbait ara­zo konponduko ditu. Adi­bidez, Urnieta erdigunean dagoen trafikoa, Urnietako se­maforoek sortzen duten denbora gal­tzea, Andoaingo Ama Can­dida etorbideko trafikoa, edo N1eko zirkulazioa...

Urumeako autobia

Donostia-Martutene zatia.
Egiten ari dira.
Martutene-Astigarraga.
Irekita dago.
Astigarraga-Martindegi.
Irekita dago.
Martindegi-Mandazubi.
Irekita dago. 4 karril egiteko obrak laster hasi nahi dituzte.
Mandazubi-Urnieta.
Bihar irekiko dute.
Urnieta-Bazkardo (Andoain)
Egiten ari dira. Datorren urtean ireki nahi dute.
N1-A15 /Bazkardo-Sorabilla
Datorren urtean hasi nahi dute.