biteri Kultur Etxeko ikastaroak urrian hasiko dira eta aldez aurretik izena emateko epea asteartean irekiko da. Ostiralera bitarte izango da aukera ikastaroetan apuntatzeko. Ordutegiari dagokionez, goizean 09:00etatik 13:00etara izango da aukera eta arratsaldean, 17:00etatik 20:00etara. Ikastaroan izena eman dutenak plazak baino gehiago badira, zozketa bidez erabakiko dira plaza horiek. Zozketa irailaren 7an, astelehenean, egingo da eguerdiko 12:00etan, Biteri Kultur Etxean. Plaza duten guztiek matrikula egin beharko dute ondoren ikastaroetan parte hartzeko.
Matrikulazio epea
irailaren 8tik 11ra
Ikastaroetan izena aurrez emateko epea asteartean irekiko da, baina matrikulazioaren epea irailaren 8tik 11ra bitarte izango da; bi egunak barne.
Kuotaren ordainketa banku-helbideratze bidez egingo da. Hori dela eta, matrikula egin ahal izateko, beharrezkoa izango da kontu korrontearen zenbakia (20 digitu) eta NANaren zenbakia aurkeztea.
Egutegia: Gabonetako eta Aste Santuko oporrak
Biteriko ikastaroen kurtsoa urriaren 1ean hasiko da eta tartean izango diren oporrak kontuan hartuz, honako egutegia izango dute ikastaro horiek: Gabonetako oporrak abenduaren 19tik urtarrilaren 6ra izango dira, biak barne, eta Aste Santukoak apirilaren 1etik 11ra, biak barne. Kurtso bukaera haurrentzat, hau da, azken eguna, maiatzaren 31 izango da eta helduentzat ekainaren 19a.
*Ikastaroen hizkuntza
Ikastaroen hizkuntzari dagokionez, taulan azaltzen den bezala, zenbait kasutan *Euskaraz jartzen du ikastaroaren aldamenean. Kasu horietan, ikasleak ulermen maila izatea nahikoa izango da Biterik jakinarazi duenez. Gainerakoetan, hizkuntza zehaztuta ez duten ikastaroetan, ikasleen euskara mailaren arabera emango dira ikastaroak.