Donostia Hiria Torneoko finala gaur jokatuko da. Aurrez aurre izango dira Oier Mendizabal-Oinatz Bengoetxea eta Pablo Berasaluze-Aritz Begino. Partidua Donostiako Atano IIIa pelotalekuan jokatuko da gaueko 22:15etatik aurrera. Aurretik Chaffe-Oteiza eta Galarza Va-Galarza VIa ariko dira nor baino nor. Torneoko finala jokatu ondoren, berriz, Koka-Otxandorena eta Retegi Bi-Laskurain neurtuko dira.
Mendizabal IIa fin
herenegun
Mendizabal IIak eta Bengoetxea VIak herenegun lortu zuten Donostia Hiria Torneoko finaleko txartela Titin IIIari eta Eulateri 12-22 irabazita. Ez zen joku haundirik izan eta hutsak, berriz, dexente egon ziren. Pelotariek ez zuten gahiegi asmatu jokaldiak egiterakoan. Dena dela, Oier Mendizabal fin aritu zen eta bera izan zen lau pelotarien artean mailarik onena eman zuena.
Bihar Olaizola IIa eta Martinez de Irujo
Torneoari amaiera emateko, Aimar Olaizola eta Juan Martinez de Irujoren arteko buruz burukoa jokatuko da bihar. Arratsaldeko 17:00etatik aurrera izango da Atano IIIan.