oiartzundik abiatu ziren Pedro eta Joxe duela astebete eta hiru egun, eta bederatzi egun eman dituzte monoziklo gainean. Altzakoak eta bizkaitarrak 200dik gora kilometro egin dituzte gurpil bakarreko bizikletan, Gipuzkoa eta Nafarroan barrena eta herenegun bukatu zuten buelta Donostian. Aurretik ordea Hernanin gelditu ziren ezagunei kasu egitera eta Karbonerako lagunekin bazkaltzera eta atseden hartzera. Ibilbide luzea egin dute: Oiartzun, Igeldo, Zarautz, Aia, Aizarnazabal, Azpeitia, Azkoitia, Urretxu, Alegi, Leitza, Andoain, Hernani eta atzo, bukatzeko, Donostia.
Helburua ondo pasatzea
Bi artisten helburua ondo pasatzea zen eta halaxe egin dute. Bi kirolariek eskerrak eman nahi izan dizkiete bereziki gaztetxeetako eta okupaetxeetako pertsonei laguntza haundia eman dietelako.