Casino Kursaal Torneoa gaur sartuko da finalerdietako ligaxkan eta lehenengo partidu honetan Altuna IIa eta Zeberio IIa izango dira aurrez aurre. Atzora arte Altuna IIak txapelketan jarraituko ote zuen duda zen, lesio bat tarteko, baina atzoko entrenamenduan duda guztiak uxatu zituen. Goizean entrenatu zen Koteto Ezkurra eta Txetxu Iriarterekin eta esan zuen, minik ez zuela nabaritu eta sentsazio onarekin bukatu zuela entrenamendua. Ezker hankeko aduktorean tiroi bat zuen Altuna IIak.
Beste hiru partidu gaur
Partidua Galarretan jokatuko da eta aurretik beste bi partidu izango dira arratsaldeko 16:00etan hasita. Zulaika-Zubizarreta ariko dira Urtasun-Baleztenaren aurka eta Iñigo Lekunberri-Iriarte Juaristi-Badiolaren aurka. Ligaxkako partidua bukatuta, Matxin IVa-Etxabek eta Bereziartua-Ionek jokatuko dute.