Amabirjin egun ederra prestatu dute Goizuetan

amabirjin eguna da gaur ,eta atzo hasitako jaiei ederki ja­rraituko diete Goizuetan. Go­i­zean goiz, 07:00­e­tan ekin­go diete jaiei To­lo­sa­ko dul­tzaineroen dianarekin. Ordu bete be­ran­duago entzierroa izango da.

Meza eta prozesioa goizean
Meza nagusia ere izango da 10:30etan eta ondoren, urtero bezala, prozesioa Amabir­ji­na­rekin. Eguerdian, kaleak pixka bat girotzeko, herriko txistulariak ibiliko dira erraldoi eta buruhaundiekin. Lehen mailako afizionatuen pelota partidua Pe­lo­ta ere ez da faltako gaur, lehenengo mailako afizionatuen arteko partidua izango da, 12:30etan. Yoldi-Lintzo­ain eta Larrañaga-Galarraga izango dira aurrez aurre. Ondoren, Igandea txaranga irtengo da kaleetan zehar.

Zezenetatik bertsotara
Arratsaldeko 18:00etan zezenen txanda izango da berriz, eta baita herriko ausartena ere. Ilunabarrean, berriz, la­saiago ibil­tzeko aukera izango da ber­tsosaioa entzunez. 20:00etan izango da.

Presoak gogoan
Ondoren, Umore-Ona elkartean, afari herrikoia an­tolatu dute, euskal presoen alde. Afaldutakoan, dan­tzatzeko abileziak agerian uzteko or­dua izango da Lai­otzekin. Igandea txaranga ere bertan ibiliko da herria giro­tzen. Gaueko 01:00etan, presoak go­goan izango dituzte be­rriz, presoen kalejirarekin. Ondorenean izango da dan­tzan jarraitzeko aukera.