Festa giroa nagusi atzo, Santiomendin

aurtengoz bukatu dira jaiak Santiomendin. Mus txapelketarekin ostira­le­an ha­si, eta atzo esan zieten agur, bero eta giro ederrarekin. Sagardo dastaketak eta abe­re-demak jendea inguratu zuten auzora, eta askok arra­tsal­dera arte luzatu zuen ego­nal­dia. Dema Az­ko­nobietak ira­bazi zuen, Paollaren aurretik. La­rrarten auzo-bazkaria izan zuten ondoren. Kanpotik berotu beharrik ez, eta bazkaritan barrua berotu, eta plazara atera ziren berriz, auzotarren arteko herri-kirolak ikustera. Tartean, Xapre eta Joxe Antonio zaldibitarrak jo zuten trikitia, gogotik. Lehian, 2 taldetan egin zi­tuzten lanak (aizkora, lokotx biltzea, harri-jasotzea eta txingak): batean, Larra, Heiko, Suharri eta Unai aritu ziren; bestean, Larrabide, Egoitz, Beñat eta Gorka. Azken hauek izan ziren bizkorrenak, baina benetan nagusitu zena festa giroa izan zen atzo.