igandean San Roke eguna izango da eta urtero bezala, Aranon eta Astigarragako Santiomendin jaieguna izango da. Bi herrietan ekintza ugari antolatu dituzte.
Kanpai-hotsen ondoren
hasiko da festa Aranon
Festa 10:30etan hasiko da Aranon San Martin parrokiako kanpai-hotsekin. Txistulariak prest izango dira ordurako eta ondoren, San Roke ermitarako bidea hartuko dute 11:00etako mezetara doazenak agurtzeko. Meza bukatzean, pelota partidua ikusteko aukera izango da. Julen Etxenike-Jon Ander Elortza/Ander Lopez-Jon Etxegoien neurtuko dira.
Bazkari herrikoia ere egingo da Kontzeju tabernan. Bazkalondoren Aranoko Martxa abestuko da eta Segurako korua ere izango da. Jaiegunari amaiera kalejira eta Agur Jaunakekin emagno zaio 20:00etan.
Santiomendin betizu jana eta bertsolariak
Santiomendin ere 11:00etako meza izango da San Roke egunean. Eguerdian, urtero bezala, Astigar dantza taldearen emanaldia izango da eta ondoren, trikitilariak ariko dira giroa berotzen. Eguerdiko 14:00etan betizu jana izango da eta 16:00etan bertsolariak. Arratsaldeko 17:00etan dantzarako aukera izango da Alaiki taldearekin.