Gasa Larregainetik iristen da Hernanira, herri ugari zeharkatu ondoren

Euskal Herrian gasak ibil­bidea Zierbenan has­ten du. Ber­tara itsasontziz iristen da, ba­tzue­tan Argeliatik, bestetan Venezuelatik, Trinidad Tobago­tik, Egiptotik... Gas natural hori liki­do egoeran iristen da eta itsa­soaren berotasu­nak gas ego­­e­rara aldatzen du. Gasoduk­toan ze­har, egoera horretan bidera­tzen da gasa honaino eta beste herri batzuetaraino. Gasa garrai­a­tzen den presioa kalku­la­tzen da: kg/cm2-etan, hau da, bar­­­-e­­­tan. Gasaren garraioa sare nagusian 72 bar-eko presioan egiten da. Hernanira, Bergara-Irun sa­rea­ deiturikoaren bidez iristen da. Pasatzen dituen herriak honakoak dira: Bergara, Bea­sain, Tolosa, Villabona, An­doain, Urnieta, Hernani, Astiga­rraga, Errenteria... Iruneraino. Tartean beste sare txikiago batzuk ateratzen dira, hain zuzen, industriara eta herrietara gasa eramaten dutenak.

Larregainen estazio nagusia
Gasaren sare nagusia Urnieta­tik dator Hernanira, Larregainera, eta handik Irunaldera jarraitzen du. Hernanik Larregainetik har­tzen du gasa, eta baita Hernani aldeko industrialdeek, Donosti­ak, Lasartek, Usurbi­lek... Larregainera, mendiz iristen da gasa. Oindi ingurutik Par­diolara iritsi, eta handik behera egin, Fagollaga inguruan Uru­mea zehar­katu eta Larregainera igotzen da. Larregainen presioa erregulatzen duen estazio nagusia dago, Erregulazio eta Neurri Estazioa (ERM). 72 bar-etako presioa 16 bar-etara jaisten da eta handik ate­ratako beste hodi baten bidez iristen da herrira. Hodi hori sare nagusia izatetik distribuzio sarea izatera pasa­tzen da eta gasa presio txikiagoan eramaten du. Hodiaren ta­maina ere txikiagoa da, 16 pulgada izatetik 12 izatera pasatzen da. Hodi horrek herrira eta bertako zenbait poligonotara eramaten du gasa, eta Galarreta ingurutik Donostiako poli­klinikara eta Añorga eta Lasarte aldera ere bai. Dena dela, etxeetara eramateko, hau da, etxeko kon­tsumorako, presioa jaitsi egin behar da, berriz. 16 bar-etik 4ra. Horretarako beste hiru ERM daude Hernanin. Ibarlu­zen, Zubiondon eta Floridan daude. Floridakoak bideratzen du gehi­enbat gasa herriko etxeetara. Gainerakoek poligonoe­tako en­pre­sa batzuetara bana­tzen dute, baina enpresa horietan etxeko mo­duko erabilpena ematen zaie, ez industriala. Indus­triarako 16 bar-eko presioa erabiltzen dute.

Material eta esku ona
Gasa garraiatzea ez da txantxetako kontua eta gas-hodien ma­terialak garrantzia haundia du. Bolinagak azaldutakoaren ara­bera, hodi horiek altzairuz­koak dira eta kanpotik polietilenoa dute babesteko. Denbo­rarekin ez herdoiltzeko. «Al­tzairua gainera ez da edonolakoa, dagoen altzairurik onena baizik. Haragien artean solo­miloa onena den bezala, al­tzairuetan hemengo hau da onena», azaldu du Bolinagak. Materiala ez ezik, soldadoreen es­kuak ere bere biziko ga­rrantzia du halako kontuetan eta horiek ere onenak direla gaineratu dio Kronikari Natur­gaseko arduradunak.