Naturgas bi obra haundi egiten ari da Osiñagan eta Epele inguruan

azken aldian, Epele edo Osiñaga inguruetan ibili dena konturatuko zen zer edo zer haundia egiten ari direla. Izan ere, inguruko belazeetako lurra altxata eta tuberiak, kamioiak eta gruak nonahi ikusi daitezke. Naturgas enpresa bi obra haundi egiten ari da Hernanin, eta Kronikak beraiengana jo du informazio gehiagoren bila. Batetik, Bergaratik Irunera gas naturala ga­rraiatzen duen sare nagusia berritzen ari da. Tartean, Hernanitik pasatzen da eta Epele inguruan orain egi­ten ari diren lanak horren eraginez dira. Bestetik, herriko enpresa batek eskatuta, gas-hodi berria ari dira pasatzen Pardiolatik Eziago poligonora eta, ondorioz, Osiñaga auzoa obretan dago.

Sare nagusia haunditzen
Aitor Bolinaga Naturgasen Eraikuntza Proiektuko arduradunak Kroni­kari azaldu dionez, gero eta gehia­go dira gas naturala era­biltzen dutenak, gero eta eskari gehiago dago, eta orain arteko eskaintza motz ge­ratzen ari da. Hori dela eta, herri ezberdinetara gasa garraiatzen duen sare nagusi hori berritzen ari da Naturgas. Gas kopurua garraiatzeko gaitasuna haunditu nahian, orain arte erabilitako gasoduktoaren diametroaren ta­maina baino haundiagoa du­en hodia sartzen ari dira. Orain artekoa 16 pulgadakoa izan da eta be­rria 26koa izango da. Gas naturalaren eskariari erantzungo dio aldaketak Bolinagaren esa­ne­tan. Hodiaren bidea orain arte­koaren berdina izango da eta haren ondo-ondotik ari dira sartzen berria. Hernaniri eragiten dion zatia Tolosa-Errenteriakoa da. Zati hau egiten uztailean hasi ziren eta urtebete iraungo dute lanek. Zati honek 35 km inguru ditu eta inbertsioa 22 milioi eurokoa izango da.

Hernaniko enpresa baten eskariz hodi berria
Sare-nagusia berritzeaz gain, Pardiolatik Eziago poligonora hodi berria pasatzen ari dira Naturgasekoak. Lan hau bezero duen he­rriko enpresa batek eskatu dio Naturgasi Bolinagak azaldu duenez. Lehen esan bezala, industria guneetara, Larregainetik ate­ratzen den hodiak eramaten du gasa eta 16 bar-eko presioan iristen da. Enpresa horrek, ordea, presio haundiagoa behar du bere lanerako. Sartzen ari diren hodi horrek 59 bar-eko presioan bideratuko du gasa. Pardiolan Erregulazio eta Neurri Estazioa egingo da eta sare-nagusiko gasaren presioa han jaitsiko da 72 bar-etik 59ra. Ezia­goraino iritsiko den hodi ho­rrek 2,5 km-ko luzera izango du eta 2 milioi euroko kostua. Ta­mai­nari dago­kio­nez, 8 pulgadako hodia da. Urrirako bu­katuko dela aurreikusten dute.

Urumea zeharkatzen
Aurretik egin bezala, bai sare-nagusiak bai hodi berriak uru­mea zeharkatu behar dute. Ibaia ukitu gabe, azpitik zuloa egin eta bertatik pasatzen da gas-hodia. Orain egiten ari diren obretan, gainera, sistema berria erabiltzen ari dira Boli­nagak azaldu duenez. Zehatza­goa izan­go da. Urumea azpitik Eziagora pasako den hodiak 160 metroko luzera izango du.

Ingurugiro legeak
Bolinagak azaldutakoaren ara­bera, ingurugiro­ari egin die­zaioketen kaltea kontuan izan behar dute eta horretarako bai­mena eskatu. Dekla­razio bat egin behar izaten da obra ho­rrek ingurunean kalterik egingo ez duela ziurtatuz. Esaterako, ingurugiro legea jarraituz, Epele-erreka zehar­katze­ko aukera abuztuan eta irailan bakarrik izaten da eta orain ari dira zeregin horretan.

Osiñagako etxeetara ezin
Osiñagako etxebizitzetara ez da gas naturalik iristen eta halako obrak egiten ari direla ikusita, agian batek baino gehiagok pen­tsatuko du aukera izango dela etxe horietara gasa bide­ratzeko. Bolinagak, ordea, argi azaldu dio Kronikari ez dela horretarako. «Osiñagan etxebizitzak oso sakabanatuta dau­de eta ia etxe bakaitzeko hodi bat sartzea oso garestia litzateke». Orain­goz, beraz, Osiñagako auzotarrek itxaron egin behar­ko dute.