casino Kursaal Txapelketako final zortzirena jokatu zen atzo Garikoitz Altuna eta Javier Urrizaren artean. Bien arteko lehia parekatua izan zen, baina azkenean Altuna IIak lortu zuen garaipena 35-28 irabazita. Espero zen emaitza izan zen atzokoa. Altuna IIak iaz ere Urriza garaitzea lortu zuen eta azken aldian emaitza onak lortzen ari denez, hura zen faborito.
Semifinaletako ligaxkan Ezkurraren baja medio
Atzoko partidua irabazita,
finalaurdenetarako pasea lortu zuen Altuna IIak eta berez, partidu hori Koteto Ezkurraren aurka jokatu behar zuen. Ezkurrak, ordea, lesioa du izter-txokoan eta atzo jakin zenez, ez du txapelketan jarraituko. Hala, Altuna zuzenean semifinaletako ligaxkan sartu da. Azken ligaxkan zain izango ditu joan den urteko bi finalistak: Zeberio IIa eta Urrutia, hain zuzen ere.