amher-sos Arrazakeria Hernaniko Elkarte Multikulturalak argazki lehiaketa antolatu du lehenengo aldiz. Inmigrazioa, Integrazioa eta Kultura Artekotasuna hartu dute gaitzat eta irailean amaituko da argazkiak bidaltzeko epea. amher-sos Arrazakeria Hernaniko Elkarte Multikulturala da eta arrazakeriaren aurka eta etorkinen integrazioaren alde hainbat ekintza antolatzen ditu herrian.
Helburua da, etorkinen
egoera hobetzeko
gogoeta bultzatzea
AMHER-eko kideen esanetan, «lehiaketak, argazkia aitzaki hartuta, gurera ekarri nahi du etorkinen egoera eta gogoeta bidez lagundu nahi du hobetzen hauei buruz daukagun pertzepzioa».
Horrez gain, diote gure gizartean harreman solidario, kolaboratzaile eta ez ezberdintzaileak sortu eta landu daitezkeela eta hori bultzatzeko antolatu dutela argazki lehiaketa. «Egunerokotasunean Hernanin, kultura ezberdinetako pertsonak berdinak garela agerian uzten dituzten egoerak eta, baita, salatu beharreko bazterketa-diskriminazio egoerak ere aditzera emateko gonbitea luzatu nahi dizuegu». Gaia zehaztuta eta gonbitea luzatuta, irailaren 23ra bitarte argazkiak bidaltzeko aukera izango da.
Kontuan hartu beharrekoa
Argazkiak e-mailez bidali beharko dira amher-sos_racismo@hotmail.com-era eta gehienez hiru argazki bidaltzeko aukera izango du pertsona bakoitzak. Edozein zalantza izanez gero, Foto Forum Hernanira deitzeko bidea jarri dute: 666 006 094.
Hiru kategoria izango dira: 13 urte bitartekoa, 14 urtetik gorakoena eta argazki herrikoiena. Sari banaketak, urriaren 17an egingo dira. Dena dela, hala erabakiz gero, edozein sari eman gabe uzteko eskubidea izango du elkarteak.
Etorkinek Hernanin bizi duten egoera irudikatu behar dute argazkiek, beraz, herriarekin lotura zuzena izango dute. Baina, edozein pertsonak du parte hartzeko aukera, ez du zertan hernaniarra izan.
Lehiaketako oinarriak
1) Antolakuntza. AMHER-SOS Arrazakeria, Foto Forum Hernani eta Berriak-en laguntzarekin.
2) Gaia. Inmigrazioa, Integrazioa eta
kulturartekotasuna.
3) Partehartzaileak. Hiru kategoria izango dira:
- 13 urte bitarte
- 14 urtetik gorakoak
- Argazki herrikoiena
4) Sariak. Argazki dendek emandako sariak banatuko dira. Kategoria bakoitzeko sari bat izango da. SOS Arrazakeria/ SOS Racismo elkarteak edozein sari eman gabe uzteko eskubidea gordetzen du.
5) Lanak. Partehartzaile bakoitzak gehienez 3 argazki
aurkeztu ahal izango ditu.
6) Lanak ematea. amher-sos_racismo@hotmail.com
helbidera bidali behar dira argazkiak:
- Irudiaren neurria: 20x30 cm
- Formatoa: jpg, gutxienez 300 ppp
- Datuak: izen-deiturak, helbidea eta telefonoa
Edozein zalantza izanez gero, deitu Foto Forum Hernanira (666 00 60 94)
7) Lanen jabetza eta erreprodukziorako
eskubideak. Partehartzaile bakoitza bere lanen egilea izan beharko da, tartean beste inoren eskubiderik ez dagoela esan nahi du horrek eta hala ez izanez gero, edozein irudi eskubideren erreklamazioa bere gain hartu beharko du partehartzaileak. Antolakuntzak ez du egile
partehartzaileek Copyrightarengan egin dezaketen edozein erabilpen okerrengatik inolako ardurarik hartuko.
Saritutako argazkiak SOS Arrazakeria/ SOS Racismo
jabegokoak izatera pasako dira. Elkarteko web orrialdean, erreproduzitzeko erabili ahalko dira, beti ere, egilearen izen osoa jarrita.
Sarituak ez izan arren, lanak Elkartearentzat interesa dutela erabakitzen bada, bi urtez Elkarteak erabili ahalko ditu.
8) Hautaketa Komitea eta Epaimahaia. Epaimahaia SOS Arrazakeria/ SOS Racismoko kideek eta Foto Forum Hernanik osatzen dute.
9) Egutegia.
- Argazkiak jasotzeko epea: 2009ko
irailaren 23a.
- Argazki hautatuen erakusketa: Hernaniko
dendetan, urriaren 9tik 17ra arte
- Epaimahaiaren erabakia: 2009ko urriaren 16an. Botazio herrikoia urriaren 15era arte.
- Sari banaketa: 2009ko urriaren 17an,
19:00etan Plaza Berrin.
10) Argazkien galera, hondatzea edo lapurreta. Antolakuntzak beregain hartzen du lanei tratu egokia
emateko ardura, baina ez hauen galera edo hondaketa.
11) Oinarrien interpretazioa eta erabakiak. Lehiaketan parte hartzen duenak oinarriak onartzen dituela esan nahi du. Aurreikusten ez diren kasuetan, antolakuntzak izango du ahalmena erabaki bidezko eta egokienak hartzeko.