Moncayoko magaletan, 12 orduko lasterketa du Xabier Salillasek

Xabier Salillas hernaniarrak egun erdi bat pasako du korrika datorren ostiralean, Zaragozan. Ultrafondo dei­tzen zaion modalitatean, 104 km egin beharko ditu Sali­lla­sek, Calcenadako herri lasterketan; Moncayo mendi eza­gunaren magaletan. Fro­ga hori oinez, zaldiz, bizikletaz eta korrika egin liteke, eta mendi-pistetan egiten da.

Bukatze hutsa meritu

Korrika egitea erabaki dutenak 80 lagun inguru izango dira, eta tartean hernaniar bat, Xabier Salillas. Sali­lla­sek Kronikari adierazi dionez, 12 ordutik jaistea da bere helburua: «Iaz irabazi zuenak 11 ordu eta 40 minutu behar izan zituen, eta beraz, helburu polita da 12 ordutik jaistea. Ultrafon­doan, meritu haundia da lasterketa buka­tze hu­tsa. Nor­malean, erdia baino gehiago erretiratu egiten dira (iaz 59 atera ziren, eta 40 erretiratu)».

Espainiako txapelketan 4garren, bere kategorian

Salillasek ondo ezagutzen du distantzia luzeko lasterketa. Aurten, Espainiako as­fal­to gaineko 100 km-ko Txa­pel­ketan 4garrena izan zen bere kategorian, eta absolutuan 23garrena. Kronikari adierazi dionez, on­do entrenatua dago, «Egu­­­ne­ro 2 ordu egiten ditut ko­rrika, eta asteburuetan 6-7 ordu. Guk ez dugu beste entrenamendurik: korri, korri eta korri».