Musika Hamabostaldia Chillida Lekun izango da igandean

Donostiako 70garren Mu­­­si­ka Hamabostaldia mar­txan da atzotik, eta irailaren 5era bitarte musika emanaldi ugari izango dira. Donostiaz gain, bai­ta Chillida Lekun ere. Chillida Leku­ko lehenengo emanaldia igan­dean bertan izango da. Juan Manuel Cañizares gi­tarrista flamenkoak Isaac Al­benizen obra nagusienetako bat aurkeztuko du. Iberia­ko gi­tarrarekin egindako in­ter­pre­ta­zioa izango da. Ema­nal­dia 19:00­­etan hasiko da eta ordu bete lehenago sar­tzeko aukera izango da. Hori bai, sa­rrera aurretik hartuta du­tenek izango dute aukera, da­goeneko agortuta baitaude.

Beste lau kontzertu ere bai
Hilabete osoa iraungo du Mu­sika Hamabostaldiak eta tartean beste lau kontzertu ere izango dira Chillida Le­kun; guzti­ak 10 euroan. Hi­laren 16an Ro­ger Muraro pianojolearen txan­da izango da. Ravelen obra osoa joko du bi zatitan. Lehe­nengo emanaldia 18:00e­tan izango da eta bigarrena 20:30­etan. Lehe­nengo ema­nal­­di­­ra­ko sa­rre­rak bukatu dira, baina bigarrenerako www.quincenamusical.com helbidean lor­tu daitezke. Hurrengo kontzertua hilaren 23an i­zan­go da Judith Jau­regi eta Kir­men Uriberen eskutik. Jau­regi pianoa jotzen arituko da eta Uribe poesia errezita­tzen. Musika eta poesiak bat e­gingo dute. Musika Ravel, Al­­­beniz eta Bar­to­kena izango da eta poesia Una­­muno, Laua­xe­ta, Orixe eta Lizardirena. A­rra­­tsal­deko 19:00etan izango da. Chillida Lekuko azken kontzertua hilaren 30ean izango da. Carlos Mena kontratenore gasteiztarrak 20ga­rren mendeko euskal eta eu­ropar konpositoreen obrak eskainiko ditu. Besteak beste Vaughn-Williams, Listz, Gu­ri­di, Isasi, Bernaola eta Erko­rekaren lanak. Arratsaldeko 19:00etan.

Gaur hiru emanaldi Donostian
Musika Hamabostaldia atzo hasi zen 1900-1936: abangoardia aroa lemarekin eta gaur ere izango dira emanaldiak Do­nos­tian. Nabarmen­tzekoa da La Fura dels Baus taldeak Kur­saalean eskainiko duen Car­mina Burana obra. Iru­ñeako Or­feoiak eta Gaztela eta Leongo Orkestra Sinfoni­koak interpretatu eta antzeztuko dute. Atzo estreinatu zuten bertsioa eta arrakasta izan zuen. Gaurko sarrerak ere agortuta daude. Dena dela, zuzenean grabatutako emanaldia ikusteko aukera izango da, dohainik, Kursaa­leko Erabile­ra Anitze­ko aretoan, 20:00etan. Victoria Eugenia Antzo­ki­an ere izango da emanaldia gaur. Maria João Pires pianojoleak Chopinen eta Franz Liszten obrak interpretatuko ditu. Kontzertua 20:00etan izango da eta sarrerak bukatu dira. Sarreraren aldetik ez da arazorik izango Leo Krämer organista eta orkestra zuzendariaren kontzertuaz goza­tze­ko. Izan ere, dohainik izan­go da. San Vicente elizan, 20:00­etan emango du kon­tzertua.

Bihar beste hainbeste
Bihar beste hiru kontzertu izango dira. Santa Teresa ko­men­tuan izango da eguneko lehenengo kontzertua. Arra­tsal­deko 18:00etan. Jordi Sa­vall musikariak Ar­gelia, Ita­lia, Es­painia e­ta Tur­kiako Er­di Aro­ko musika jo­ko du. Ez dago sa­rre­rarik. Horrez gain, Kursaalean West Eastern Divan Orches­tra multikulturalaren emanaldia izan­go da 20:00etan. Kasu ho­ne­­tan ere sarrerak agortuta dau­­de. San Ignacio elizan, aldiz, dohainik izango da Mathias Kjellgren organista suediarraren kontzertua. Eskainiko du­en emanaldian Mozart, Men­del­ssohn eta Liszten obrak in­ter­pre­tatuko ditu. 20:00etan izan­go da.

Laboa eta Itoiz omenduak
Aurtengo Hamabostaldiak Mi­­kel Laboa eta Itoiz taldea omenduko ditu, besteak bes­te. Larunbatean, Laboaren mun­­­­duak lana estreinatuko da eta hila­ren 25ean Itoiz Suite. Biak Victoria Eugenian izango dira.