joan den astean bukatu ziren udaleku irekiak eta hilabete osoko lanaren balorazio edo iradokizunen bat egin nahi duenarentzat aukera jarri du udalak. Horretarako Hernaniko udaleko web orrian sartu behar da, www.hernani.net helbidean eta honako pausuak jarraitu: aisialdia, hernaniko udalekuak 2009, udaleku irekiak, iradokizunak.
Hilabetea ekintzaz blai
Urteroko moduan, uztailean izan dira udalekuak eta ekintza mordoska egin dituzte aurten ere. Ez dira falta izan igerilekura eta hondartzara irteerak, eta hain ezagunak egin diren San Fermin eguneko entzierroa eta ur festa. Azken egunean, berriz, festa ederra egin zuten playback eta guzti.
570 ume aurten
Guztira 570 ume inguruk hartu dute parte aurtengo udalekuetan eta 81 lagun, begirale, koordinatzaile eta abar aritu dira lanean eta antolatzen.