hernaniarrak aurre-aurrean izan dira aurtengo Getaria-Zarautz proban. Peru Alfaro bigarren postuan sartu zen, eta Luis Goñi laugarrenean. Alvaro Vicente izan zen Alfarori aurrea hartzeko gai izan zen bakarra; 35:49 denbora egin zuen irundarrak, eta hernaniarrak 25 segundu gehiago behar izan zituen. Goñi ere bertan zuten, laugarren sartu baitzen, 36:49 denbora eginda. Goñik, horrez gain, master kategorian irabazi egin zuen, 35 urtetik gorakoetan, alegia. Emakumeetan, lehendabiziko hernaniarra Alazne Egiazabal izan zen, 29garren postuan, 48:32 denbora eginda. 4 postu atzerago sartu zen Maitane Danborena, 21 segundura. Irabazlea Irati Mendia irundarra izan zen emakumeetan, 40:58 denbora eginda.
Itsas-milia jendetsuena
Getaria-Zarautz proba da inguruetako itsasoko proba herrikoi jendetsuena. Aurten 39garren aldia da 1.800 metroko proba hau egiten dela, eta aurten 1.100 igerilarik hartu dute parte, inoiz baino gehiago; tartean hernaniar askok. Hernaniko Kronikak aste honetan aterako du hernaniarren sailpena, eskuratzeko modua egiten badu.