Madalena jaiak ospatuko dituzte igandean Lizeagan, joan den urtean berreskuratutako festei jarraipena emanaz

madalena jaiak ospatzeko aukera izango da igandean, herritik mugitu ere egin gabe, Lizeaga auzoan zehar, goizeko 09:00etan hasita, egun osoko festa izango baita. Festak adin tarte guz­tietako auzotarrei eta herri­tarrei daude zuzenduak, egun pasa egiteko era guztietako ekitaldiak antolatu baitituzte. 09:00etako txupinazoaren on­do­ren, 09:30­etan haurrentzako jolas ugari antolatu dituzte anto­latzaileek: sokatira, lokotxak, txingak, eta zaku eta goilara lasterketa, besteak beste. Jolasak amaitu bezain laister, ats­edenik hartu gabe, 11:00etan, kalejira izango da auzoko kaleetan barrena. Ordu erdi geroago, aur­ten aurreneko aldiz, pa­tata tortila lehiaketa izango da. Partehartzea libre izango da, hau da, nahi duen guztiak izan­go du parte hartzeko au­kera. Lehiaketa 11:30etan izan­go den arren, partehar­tzaileek tortilla 11:00etan era­man be­har­ko dute Gay-Mur ikastolara. Ordubete beranduago, 12:30­etan, helduei zuzenduta, txistorra pintxoak izango dira, eta baita sagardoa txotx-etik edateko aukera ere. Herritar guztiei zuzendutako ekitaldia izango da, eta bertara hurbildu eta jan edo edanaren arabera ordainduko da. Txis­torradaren ondoren, 13:00­etan, lehiaketa ezberdinetako sari banaketak izango dira.

Paella herritarra bazkaltzeko
Bazkalorduan, 14:00etan, pae­­­lla jatea izango da. Baz­ka­rira joateko txartelak aldez aurretik erosi behar ziren. Saldu diren txartel kopurua haundia dela kontuan izan­da, aurten ere paella herri­tarra arrakastatsua izatea e­s­pero dute antolatzaileek. Ondo bazkaldu ondoren, arratsaldeko 16:00etan ma­rrazki lehiaketa izango da, eta segidan, 17:00etan egingo da lehiaketako sari banaketa. Ordu berean hasita, dis­ko­fes­ta eta puzgarriak ere izango dira Gay-Murren. Azkenik, jaiei amaiera emateko txu­pinazoa, arratsaldeko 20:00­etan izango da.

Joan den urtean berreskuratutako festak Lizeagan
Madalena jaiak 1983­garren urtean hasi ziren ospatzen, hiru egun irauten zuten, eta hamaika urtean arrakasta haundia izan zuten. 1994tik ospatu gabe izan ondoren, joan den urtean berreskuratu zituzten auzoko gazte talde batek.