bihar Madalen eguna izaki Zaharren Egoitzan jaiei ongi etorria egiteko asmoa dute gaur, jai bezperan. Hiru egunez ospatuko dituzte jaiak eta urtero bezala, ekitaldirik ez da faltako ez goizez eta ez arratsaldez.
Igel txapelketa eta
merienda
Gaur goizeko 10:30etan ekingo diote Madalen jaiei. Esnatzeko modu ederra izango dute Igel Txapelketa antolatu baitute eta bista eta punteria adi-adi izatea komeni. Arratsaldea lasaiagoa izango da, patxadan jan eta kontu-kontari aritzeko merienda berezia egingo baitute.
Egun haundia
Madalen eguna izango da bihar eta egun haundia huraxe izango da. Goizeko 09:30etarako oraindik esnatu ez denak ez du beste erremediorik izango Txistulariekin Diana izango baita ordu horretan. Ordu bete geroago, Toka txapelketa egingo dute. Gaur igelean punteria hobea nork duen argi geratzen ez bada, bihar dudak alde batera uzteko aukera izango dute berriz ere.
Arratsaldean, 17:00etan, egingo duten Bingo bereziarekin ere izango da saltsa Egoitzan eta seguru inor aspertzeko aukerarik ez dela izango.
Punttoa eta argazkiak
Ostegunean, azken egunean, goizeko 10:30etan Puntto Txapelketa egingo da. Karta jokoan dituzten abileziak agerian uzteko aukera ederra izango dute. Jaiei amaiera, arratsaldeko 17:30etan emango diete argazki emanaldiarekin. San Joanetan eta irteeretan egindako argazkiak ikusiko dituzte bertaratzen direnek.
Urtero bezala, Madalenekin bat, hiru egunotan ederki asko pasatzeko plana dute aiton-amonek Zaharren Egoitzan.