ziztu batean jaitsi zituzten atzo Urbieta kaletik kiroldegirainoko eskailerak batek baino gehiagok. Izan ere, Gazte Txokoak antolatuta, tirolina jarri zuten atzo 11-16 urteko gazteentzat eta gazte asko hurbildu ziren hegan egitera. Batzuk zintzilik, eta beste asko begira, jende asko bildu zen atzo Urbieta kaleko eskaileretan. Gazteak lasai jaitsi ziren, tirolina jartzeko propio etorritako jendea arduratu baitzen dena antolatzeaz.
Gazte Txokoak
antolatutako ekintza
Tirolina Hernaniko Gazte Txokoak antolatu zuen. Hasiera batean San Joanetan egitekoa zuten baina arazo batzuk medio, atzeratu behar izan zuten eta atzo egin zuten. Gazteek ez zuen hutsik egin.
Hernaniko Gazte Txokoak urteak daramazki Hernaniko gazteentzat ekintzak antolatzen. Urte osoan, uztailan eta abuztuan izan ezik, asteartetik igandera, aktibitate, tailer, hitzaldi, bideo emanaldiak eta irteerak antolatzen dituzte, besteak beste, egoitzan bertan eta baita kanpoan ere.