EKAINAREN 23an, San Joan jaietako egitarauaren barruan, Miguel Olloren omenezko umeen kategoriako karabina tiro txapelketa egiten da. Aurten hirugarren urtea izan da, herri mailako txapelketa da, eta Txantxangorrik antolatuta egiten da. Haritz Arruarte izan zen irabazlea 12 urtetik beherakoen artean eta Iñaki Ollo berriz, 14 eta 16 urte bitartekoen artean.
Haritz Arruarte irabazle
gazteenen artean
Txapelketa bi kategoriatan jokatzen da, bata, 12 urtetik beherakoa, eta bestea 12 eta 14 urte bitartekoena.
Lehenengo taldean Haritz Arruartek irabazi zuen, gainera puntuaziorik onena berak egin zuen, eta beretzat izan zen txapela. Atzetik izan zituen Aitor Lukas eta Urko Bereziartua hurrenez hurren.
Iñaki Ollo ere txapeldun
12 eta 14 urteko gazteen artean Iñaki Ollo izan zen txapelduna, bigarren Xabi Guruzeaga izan zen eta hirugarren Josu Azkue izan zen.
Karabinak zozketatu
Parte hartzaileen artean aire konprimituko bi karabina zozketatu zituzten gainera, eta Haritz Muñoari eta Xabi Guruzegari egokitu zitzaizkien.