hilabeteak jokoan eman eta gero, ostiralean erabaki zen aurtengo Kronika Pelota Txapelketako irabazleak nortzun diren: Unai Garmendiak eta Julen Garmendiak irabazi zuten finala, Tilosetako frontoian.
Garmendiatarrak txapeldun
Unai Garmendia eta Julen Garmendia bikoteak jantzi zituen txapelak, 22-10 irabazita, Iker Artola eta Iñigo Artolaren aurka. Lana egin behar izan zuten, bigarrenak esperientzia haudia baitute frontoian.
Hirugarren postua ere, bikote ezagunak eraman zuen: Jon Ortiz de Arrik eta Dabid Perezek, 22-11 irabazita, Arnaitz Lasarte eta Asier Azpirozi.
Denera 9 bikote
9 bikote aritu dira Kronika Pelota Txapelketan. Liga jokatu dute, denek denen kontra. Otsailean hasi ziren eta ostiralean bukatu zen bikotekako txapelketa. Frontoi buelta jendez beteta zela, txalo artean jaso zituzten Udal Kirol Patronatuak lagundutako sariak.
Urrian banakako txapelketa
Urtean bi Kronika Pelota Txapelketa jokatzen dira, bata bikoteka, orain bukatu berria, otsailetik ekainera, eta bestea banakakoa, urrian hasi eta abendura bitarte.
Izena emateko baldintzak
Txapelketan parte hartzeko hiru baldintza besterik ez dira bete behar: 16 urtetik gorakoa izatea, bikotea edo bietako bat behintzat hernaniarra izatea, eta federatua ez izatea. Izena emateko Kronikako bulegotik pasa behar da irailean.